Culore di Maghju

Culore di Maghju by I Chjami Aghjalesi.
(Lyrics and Music: Salvatore Luciani)

Induve sò tutti li fiori ch'imbelliscenu maghju
nant'à i muri di e prigione ch'ùn hanu più culori.

Quandu l'ochji di u male in la perfida notte
scontranu un antru sguardu chì prestu s'avvicina.

Quandu à l'orlu di u pientu l'ombra miraculosa
ànima eri ribella t'arreca lu so amore;

Quandu a to voce unita chjama à dì la di u veru
e mani di a ragione per spellà quella bestia;

Induve sò tutti li fiori ch'imbelliscenu maghju
questu ùn era toiu è ti vole tumbà.

Quandu l'omi mughjeranu à l'arechje di u tempu
mez'à tutti i fumi neri mandati à l'infernu;

Quandu a mossa universale sanguinosa è schernita
alzerà centu bandere in brama di paradisu;

Tandu i fiori nasceranu assuvati da u dulore
pè datti un antru maghju di centu mila culori.